+

ISFI JUOLLUDA OĐĐA DOARJAGA  

Oza Internašunála Sámi Filbmainstituhttas ruhtadeami ja ráhkat filmma min filbmaráiddožii, mii almmuhuvvo ISFI rávdnjenbálvalus Sapmifilmis. Filbmaráiddoža fáddán lea "Oru lea buoret go jođi", eŋgelasgillii "Home Sweet Home".

Internašunála Sámi Filbmainstituhtta almmuha 30.000NOK doarjaga Sámi filbmadahkkiide ráhkadit muitalusaid dán ođđa dilis.

Olles máilbmi lea amas dilis go COVID-19 njoammodávda lea nuppástuhttán buohkaid eallima. Mo don filbmadahkkin sáhtát govvidit dán ođđa dili? Sáhtát ráhkadit filmma vaikka man birra, ovdamearkka dihte: 

- Makkár drama min eallimis gávdno dán dilis?
- Makkár hástalusat leat čuožžilan? 

Oza doarjaga maŋimustá bearjadaga 24. cuoŋománu 2020 oanehisfilbmii, man guhkkodat lea max.  3 minuvttá. Oanehisfilbmaráidu almmuhuvvo ISFI Sapmifilm-rávdnjenbálvalusas.

Dá leat gáibadusat ohccamii: 

- Leat Sámi filbmadahkki, gii lea ráhkadan filmmaid ovdal
- Geavat ISFI Ovdanahttin-doarjaga ohcanskovi (Ohccamat-siiddus)
- Sáhtát ieš válljet makkár šaŋŋeris ráhkadat filmma, muhto ainnas filbme ruovttus dahje dan lahkosis, muhto ii leat gáibadus
- Filmma guhkkodat lea max. 3 minuvttá
- Filbmenjoavkku sturrodat lea max. 5 olbmo
- Dehalaš: muitte čuovvut álbmotdearvvašvuođa njuolggadusaid COVID-19 dáfus
- Filbma galgá leat gárvvis bearjadaga 15. miessemánu 2020

Lassedieđut:

Anne Lajla Utsi 
ISFI Direktevra
annelajla@isfi.no / +47 907 55 574

Sosiála mediat

SEARVVA DON GE SÁMI FILBMA RÁVDNJEMII WWW.SAPMIFILM.COM