+

Arctic Chills

Internašunála Sámi Filbmainstituhtta jođihišgoahtá árktalaš guovlluid álgoálbmogiid gobme- ja myhta filbmaráiddu, mas leat ovttasbarggoguoibmin Film Greenland – FILM GL, Nunavut Film Development Corporation and York University Canada. Filbmaráidu lea 30min x 5.

Álgoálbmogiin lea leamaš nana njálmmálaš árbevierru máinnastit ja muitalit myhtalaš máidnasiid don doloža rájes. Prošeavtta vuođđojurddan lea geasuhit filbmagehččiid máilmmiviidosaččat. Arctic Chills ovdanbuktá máidnasiid ja filbmakarakteraid maid eat leat goassige ovdal oaidnan filmmain ja doalvu gehččiid čoaska árktalaš guovlluide, gos birgehallan stivre eallima.

Álgoálbmogiid njálmmalaš máinnasteapmi lea leamaš deahálaš vuohki ceavzit garra árktalaš birrasiin jo álggu rájes ja máidnasat álohii láktasit eatnamii ja olbmuid birgejupmái. Máidnasat rahppasit go vuoiŋŋalaš/myhtalaš máilbmi ja duođalašvuohta rasttildit ja dain máidnasiin eallá dološ viisodat, mii geasuha gehččiid miehtá máilmmi.

Sosiála mediat

SEARVVA DON GE SÁMI FILBMA RÁVDNJEMII WWW.SAPMIFILM.COM