+

SÁMI FILBMA COVID-19 VEAHKKEDOARJAGAT

Covid-19 dilli lea čuohcan garrasit filbmaealáhussii miehtá máilmmi. Sámi filbmasuorgi lea leamašan várrogas ja čuvvon njoammueastadan rávvagiid. Dát dilli lea maŋidan olu buvttademiid (65%) ja buvttadanfitnodagat leat massán dietnasiid (80%).

Lassin dálá filbmadoarjagiidda, ISFI almmuha dál Sámi filbma Covid-19 veahkkedoarjagiid sámi filbmadahkkiide ja buvttadeddjiide. Doarjjaortnet bistá skábmamánu 1. beaivvis 2020 geassemánu 30. beaivvi rádjai 2021.

Doarjja lea heivehuvvon Covid-19 dillái, eai ge leat ohcanáigemearit.

Don sáhtát ohcat čuovvovaš doarjagiid:
- Buvttadeapmi 2: Lassi buvttadandoarjja heivehit buvttadeami Covid-19 dillái. Sáhtát váldit mielde vuorddekeahtes goluid buvttadeami oktavuođas dahje buvttadeami maŋideami dahje bisseheami lassigoluid.
- Ovdánahttin 2: Lassi ovdánahttindoarjja ovtta dahje eanet prošeavttaide heivehit Covid-19 dillái.
- Distribušuvdna 2: Lassi distribušuvdnadoarjja ovtta dahje eanet filmmaide heivehit Covid-19 dillái.
- Digitaliseren: Heivehit doaimmaid digitála lávddiide otná dili hárrái.
- Doarjja gelbbolašvuođaloktendoaimmaide, nugo bargobájiide, kurssaide ja mentoriidda.

Eambbo dieđut: Liisa Holmberg, Filbmakonsuleanta +47 930 36 145

Sosiála mediat

SEARVVA DON GE SÁMI FILBMA RÁVDNJEMII WWW.SAPMIFILM.COM